Nuit des cathédrales 2021 : Samschdeg

24 Abrëll, 19.30 - 21.30 Auer

1621, also viru genee 400 Joer, ass an der klenger, enker Festungsstad Lëtzebuerg déi nei grouss Kierch vun de Jesuite consecréiert ginn. Dësen Anniversaire wor fir äis Ulass, dës Zäit mol e bësse méi genee unzekucken.

Wat wor deemools an der Welt an an eisem klengen Duché lass ?
Firwat sinn d’Jesuiten hei an d’Land komm an hunn an der Stad de Kolléisch a méi spéit hir Kierch, déi haut eis Kathedral ass, gebaut ?
Wéi hunn d’Studenten deemools gelieft a geléiert ?
Wéi hunn d’Leit deemools gebaut a wat ass vun der aler Kierch haut nach ze kucken ?

Dës an nach vill aner Froe kréien an der Nuit des cathédrales 2021 eng Äntwert.

No engem Uergelconcert mam Organiste titulaire Paul Breisch mat Wierker aus der Zäit vu viru 400 Joer zielen äis Kathedralsguiden op verschidde Plazen an der Kathedral d’Geschicht an d’Geschichte vun deemools.

Dir braucht Iech nët unzemelden, mee Dir musst all COVID-19 mesuren respektéieren.

Mir freeën äis op Äre Besuch ! Nuit des cathédrales, Concert um 19.30 Auer, Visiten 20 – 21.30 Auer.